Маалымдалгандай ноябрь айында ишкана Кыргызстандын улуттук маданий жана табияттык баалуулуктарын, тоолордун рухун, Ысык-Көлдүн тазалыгын, туруктуу туризм концепциясын таасирдүү чагылдырган логотип иштеп чыгууга конкурс жарыялаган.       

Мамлекет башчысы Ага сүрөтчүлөр, архитекторлор, дизайн-студияларды кошкондо 10 дон ашык кесипкөй дизайнерлер катышып, жыйынтыгында Байбеков Алишер сунуштаган логотип жактырылды.

Коңшу мамлекеттен келген курулуш компаниялардын өкүлдөрү Президенттин Администрациясынын Жетекчисинин орун басары – Президенттин жана Министрлер Кабинетинин чечимдерин даярдоо боюнча башкармалыктын башчысы Азамат Кадыралиев жана “Ала-Тоо Резорт” мамлекеттик ишканасынын директору Жаркынбек Максутов менен биргеликте, курорт курула турган аймакты жеринен барып көрүштү.       

Мамлекет башчысы Садыр Жапаровдун демилгеси, мамлекеттин колдоосу менен курулушу башталган Борбор Азияда ири курортко барчу жолдор салынып, ошондой эле асма аркан жолдун, таза суу объектилеринин курулушу да кызуу жүрүп жатканын көрүшкөн инвесторлор, алдыда боло турган “Жыргалаң” шаарчасы курулуп жаткан жер тилкелерине аукциондун экинчи этабына катышуу ниетин билдиришти.

“Ала-Тоо Резорт” мамлекеттик ишканасы тарабынан коюлган талаптарга ылайыл, Курулуш министрлигине караштуу Курулушта сертификаттоонун республикалык борборунун адистери, Ысык-Көлдүн Ак-Суу районунун Хан-Теңири айыл аймагында “Ала-Тоо Резорт” курорту курулуп жаткан жерге барышты.       

Анда адистер асма аркан жолдун курулушуна колдонулуп жаткан бетонду ар тараптан тиешелүү сыноодон өткөрүп, текшерип чыкты.

“Ала-Тоo Резорт” мамлекеттик ишканасынын директору Жаркынбек Максутов менен тоо-лыжа курортунун долбооруна консалтинг кызматтарын көрсөтүү келишимине кол койгон Маттиас Шмид - Альп тоолорунда, Скандинавияда, Жаңы Зеландияда жана Чыгыш Европадагы алдыңкы тоо-лыжа курортторун башкарууда жана иштетүүдө 20 жылдан ашык тажрыйбага ээ болгон SkiMIS компаниясынын директору.       

Заманбап кышкы туристтик дестинацияларды өнүктүрүү жана натыйжалуу иштетүү үчүн жеке консалтинг кызматтарын аткарып келген компания эми бир жыл бою Борбор Азиядагы ири курортто трассалардын, подъёмниктердин, кар жабдуу системаларынын, кар тазалоо, кар көчкү коркунучун көзөмөлдөө жана лыжа мектеби, кирүү-чыгуу системалары сыяктуу зарыл болгон бардык курулуш кызматтарды уюштурат.

Ошол эле учурда, асма жолду, таза суу объектисин жана автомобиль жолун куруу иштери пландуу режимде уланууда.       

      Сынактын максаты – Кыргызстандын жаратылыш жана маданий байлыгын, тоо чокуларынын рухун, Ысык-Көлдүн тазалыгын, туруктуу туризм концепциясын, ошондой эле Кыргыз Республикасынын улуттук символу – ак илбирсти чагылдырган заманбап, көрктүү жана эсте каларлык визуалдык символду түзүү.

Сынакка Кыргыз Республикасынын дизайнерлери, сүрөтчүлөрү, архитекторлору, студенттери, кесипкөй дизайн студиялары жана чыгармачыл бирикмелери чакырылат.

Эң мыкты эмгек мамлекеттик маанидеги «Ала-Тоо Резорт» бардык мезгилдеги тоо кластери долбоорунун расмий логотиби болуп калат жана бренддин визуалдык коммуникациясынын бардык формаларында колдонулат. Жеңүүчүнү акчалай сыйлык жана символдун автору катары расмий таануу күтөт. Ошондой эле сынактын жеңүүчүсү менен фирмалык брендбукту жана бренддин айдентикасын иштеп чыгуу боюнча келишим түзүлүшү мүмкүн.

      Кыргызстан менен Австрияны бириктирген тоо ландшафттары акыркы жылдары экология, тоо-кен өнөр жайы, тоо туризми, спорт жана альпинизм тармактарында туруктуу өнүгүү демилгелерин биргелешип ишке ашырууга негиз болуп калды.

Бул тажрыйбаны тереңирээк изилдөө максатында, Кыргызстандан Президенттин Администрациясынын Жетекчисинин орун басары — Президенттин жана Министрлер Кабинетинин чечимдерин даярдоо башкармалыгынын башчысы Азамат Кадыралиев баштаган делегация Австрияга барды.

Иш сапардын жүрүшүндө Doppelmayr/Garaventa Group компаниясынын башкармалыгынын төрагасы Михаэль Доппельмайер менен жолугушуу болуп, анда Ысык-Көл облусундагы «Ала-Тоо Резорт» тоо-лыжа кластеринде асма жол куруу долбоорун ишке ашыруу маселелери талкууланды. 

       «Ала-Тоо Резорт» мамлекеттик ишканасынын директору Жаркынбек Максутов дүйнөгө таанымал америкалык Travel + Leisure журналынын Борбордук Азия боюнча башкы редактору Барно Икрамова менен жолугушту.

1937-жылы негизделген Travel + Leisure журналы туризм индустриясындагы эң абройлуу басылмалардын бири болуп саналат. Анын баракчаларында эксклюзивдүү репортаждар – люкс курорттордон тарта дүйнөнүн жашыруун берметтерине чейин жарыяланат.

Жакынкы ноябрь айындагы санында журнал Кыргызстанда мамлекеттик маанидеги статуска ээ болгон «Ала-Тоо Резорт» курорту тууралуу материал даярдоону пландаштырууда.

       «Ала-Тоо Резорт» мамлекеттик ишканасынын директору Жаркынбек Максутовдун демилгеси менен жана «Манжерок» курортунун жетекчилиги менен болгон сүйлөшүүлөрдүн натыйжасында тажрыйба алмашуу боюнча макулдашууга жетишилди. Бул макулдашуунун алкагында, ачык жарыя жана маектешүүнүн жыйынтыгында тандалып алынган адистер Алтайда кар баскан жолдорду жана тоо лыжа трассаларын даярдоо үчүн колдонулуучу ратрак-техниканы башкаруу боюнча окуудан өтүшүүдө.

Биринчи этапта алар кар тракторлорун башкаруунун теориялык негиздерин үйрөнүшөт. Кийинки жылдын февраль айында топ практикалык окууга жөнөтүлөт, анда катышуучулар техниканы башкарууну жана лыжа трассаларын даярдоо процессин өздөштүрүшөт.

        Кыргыз Республикасынын Министрлер Кабинети 2025-жылдын 6-октябрында «Мамлекеттик маанидеги «Ала-Тоо Резорт» бардык мезгилдеги тоо кластери» долбоорун ишке ашыруунун айрым маселелери жөнүндө» № 638 токтомун бекитти.

Кыргыз Республикасынын Президентинин Иш башкармалыгына караштуу «Ала-Тоо Резорт» мамлекеттик ишканасы 100% акциясы мамлекеттин менчигинде калуу менен ачык акционердик коомго (ААК) кайра түзүлөт. Жаңы ААК мамлекеттик ишкананын бардык укуктары жана милдеттенмелери боюнча укук мураскери болот.          

         Автоматташтырылган кирүү жана төлөм системаларын иштеп чыгууга жана жабдууга адистешкен чет элдик компания дүйнө жүзү боюнча соода борборлорунда, аэропорттордо, ооруканаларда, эс алуу жайларында жана унаа токтотуучу жайларда турникеттерди жана билеттерди көзөмөлдөө системаларын орнотот. 

Джеймс Тоал «Жыргалан», «Ак-Булак» жана «Боз-Учук» негизги курортторун камтыган долбоордун инфраструктурасы менен таанышып чыгып, компаниянын курорттун бардык объектилерине кирүү жана көзөмөлдөө системасын орнотууга кызыкдар экендигин билдирди.          

         Бир нече тармакта иштеген дүйнөлүк алдыңкы компаниялардын ээси Эмрах Далкая «Ала-Тоо Резорт» мамлекеттик ишканасынын директору Жаркынбек Максутов менен жолугушту. Эмрах Далкая Ысык-Көлдүн Ак-Суу районундагы Хан-Теңири айыл аймагында курулушу башталган ири курорттук долбоор тууралуу октябрь айынын башында Стамбулда өткөн кыргыз-түрк ишкерлеринин көчмө жыйынында угуп, атайын Кыргызстанга келген.

Ж. Максутов «Ала-Тоо Резорт» долбоору тууралуу кеңири айтып берип, Борбордук Азиядагы эң ири тоо лыжа кластерин түзүү боюнча амбициялуу демилгени түшүндүрдү. Э. Далкая Түркия дүйнөдөгү эң ыңгайлуу эс алуу өлкөлөрүнүн бири болгонуна карабастан, өлкөдө мындай масштабдагы курорт азырынча курула электигин белгиледи. Ал дүйнөнүн төрт бурчунан туристтерди тартууга жана тоо лыжа туризминин маанилүү борбору болууга потенциалы бар «Ала-Тоо Резорт» долбоору түрк ишкерлерине көрсөтүлөрүн кошумчалады.           

         Түркиянын борборунда кыргыз-түрк ишкерлеринин көчмө жыйыны болуп өттү, ага «Ала-Тоо Резорт» мамлекеттик ишканасынын директору Жаркынбек Максутов катышты. Эки өлкөнүн алдыңкы курулуш компанияларынын өкүлдөрү катышкан иш-чарада Борбордук Азиядагы эң ири туристтик комплекстердин бири болууга тийиш болгон «Ала-Тоо Резорт» курортунун кеңири бет ачары өткөрүлдү.   

Жергиликтүү жана чет элдик инвесторлор үч этаптан турган долбоорго кызыгуусун билдиришип, туристтик потенциалы чоң болгон тоо лыжа кластерин ишке ашыруу боюнча биргелешкен кадамдардын зарылдыгын баса белгилешти.           

         Бул тууралуу «Ала-Тоо Резорт» мамлекеттик ишканасынын директору Жаркынбек Максутовдун француздук Lazard компаниясынын өкүлү Жиль Костерус менен жолугушуусунда айтылды. Иш-чаранын жүрүшүндө долбоор тууралуу видеоролик көрсөтүлүп, андан кийин Борбордук Азиядагы эң ири, тоо лыжа туризминин маанилүү борбору болууга жана дүйнө жүзүнөн туристтерди тартууга потенциалы бар курорт тууралуу толук маалымат берилди.  

Өз кезегинде Lazard компаниясынын башкы кеңешчиси жана Борбордук жана Чыгыш Европа, ошондой эле КМШ өлкөлөрү боюнча куратору Жиль Костерус долбоорду ишке ашыруу өлкөнүн туризмин жана экономикасын өнүктүрүү үчүн стратегиялык мааниге ээ экендигин баса белгиледи.           

         Ишкананын директору Жаркынбек Максутов «Манжерок» курортунун башкаруучусунун орун басары Валерий Ефремов менен видео жолугушуу өткөрүп, анда октябрь айынын аягында 10 адисти (ратракчыларды) Алтай Республикасына окууга жөнөтүү маселесин талкуулашты.    

Буга чейин «Ала-Тоо Резорт» лыжа трассаларын даярдаган техниканы башкаруу боюнча адистерди – ратракчыларды – тажрыйба алмашуу программасына катышуу үчүн сынак жарыялайт. Биринчи этапта адистер техниканы башкаруу боюнча теориялык окуудан өтүшөт, ал эми 2026-жылдын февраль айында өтүүчү экинчи этапта алар техниканы эксплуатациялоо жана лыжа трассаларын даярдоо боюнча практикалык көндүмдөрдү өздөштүрүшөт.          

          Бул багытта ишкананын директору Жаркынбек Максутов OITAF эл аралык компаниясынын өкүлдөрү менен аралыктан баарлашуу өткөрдү. Буга чейин дүйнөлүк бир катар асма жолдорду иштеп чыккан, ошондой эле аларды коопсуз эксплуатациялоо боюнча эл аралык стандарттарды жана техникалык сунуштарды иштеп чыккан чет элдик компаниянын өкүлдөрү Жаркынбек Максутовдон Кыргызстанда курулуп жаткан ири курорттогу туристтик объектилердин коопсуздугу, техникалык тейлөөсү, экологиялык жана башка аспектилери жөнүндө маалымат алышкан.    

Өз кезегинде OITAF уюмунун өкүлдөрү асма жолдор, лыжа трассалары жана жасалма кар жаадыруу системалары үчүн долбоордук чечимдердин тобокелдиктерин жана ишенимдүүлүгүн талдоо боюнча керектүү консультациялык чечимдерди берүүгө кызыкдар экендиктерин билдиришти.           

          Ысык-Көл облусунун Ак-Суу районундагы Хан-Теңири айыл аймагында «Ала-Тоо Резорт» комплекси жайгаша турган аймактагы асма жолдун курулуш иштери белгиленген графикке ылайык жүрүп жатат.   

Белгилүү болгондой, буга чейин асма жолдорду долбоорлоодо жана курууда дүйнөлүк лидер катары таанылган, Борбордук Азиядагы ири курорттук долбоорду ишке ашырууга кызыгуусун билдирген австриялык компания менен келишим түзүлгөн. Учурда чет элдик инженерлер асма жолдун түркүктөрүнүн пайдубалын куюу иштерин дээрлик аяктап калышты.           

         Ак-Суу районундагы Жыргалан айылы көптөн бери көңүл сыртында калып, совет доорунда курулган айрым имараттар бузула баштаган. Азыр болсо айылдан кеткендер кайтып келип, келген туристтердин саны өстү.  

Жергиликтүү тургундардын айтымында, буга Борбордук Азия үчүн уникалдуу болгон, улуу тоо чокуларын бириктирген курорттун курулушунун башталышы себеп болгон. Эгерде мурда бул жерге тоо туризмин сүйүүчүлөр гана келсе, быйыл курортко жакын айыл катары Жыргаланда жер тилкелеринин баасы өсүп, ошондой эле кароосуз калган үйлөрдү сатып алууга кызыкдар болгондор көбөйдү.           

         Жалпы аянты 156,6 сотых болгон ири объектинин чек аралары «Ала-Тоо Резорт» мамлекеттик ишканасы тарабынан 2025-жылдын 6-сентябрында такталган. Эми жакынкы аралыкта Ак-Суу районунун Жыргалан чокусу аймагында башка мейманканалардын, VIP-коттедждердин жана модулдук үйлөрдүн курулушу башталат. 

Эскерте кетсек, июль айында аукционго коюлган 49 лоттун ичинен 14 лоттун жеңүүчүлөрү аныкталган. Алардын бардыгын жергиликтүү инвесторлор жеңип алышкан.           

         Хан-Теңири айыл аймагынын аймагында жер тилкелеринин чек аралары такталып, болочок объектилер үчүн чек аралар белгиленди.

Иш-чарага президенттик администрация жетекчисинин орун басары – президенттин жана министрлер кабинетинин чечимдерин даярдоо башкармалыгынын башчысы Азамат Кадыралиев катышты. Ал июль айындагы аукциондо жеңип чыккан инвесторлорго бөлүнгөн жер тилкелерине кызыл китептерди тапшырды.          

         Кыргыз Республикасынын Президенти Садыр Жапаров бүгүн, 8-августта, Doppelmayr/Garaventa Group компаниясынын башкармалыгынын төрагасы Михаэль Доппельмайер менен сүйлөшүүлөрдү өткөрдү.

Эскерте кетсек, бул австриялык-швейцариялык топ Чүй облусундагы «Ала-Арча» жаратылыш паркында жана Ысык-Көл облусундагы «Ала-Тоо Резорт» тоо-лыжа кластеринде асма жол куруу долбоорун ишке ашырууда. Тараптар биргелешкен долбоорлорду ишке ашыруунун жүрүшүн талкуулап, курулуш графиктерин сактоонун жана иштердин жогорку сапатынын маанилүүлүгүн белгилешти.          

         Кыргыз Республикасынын Президенти Садыр Жапаров бүгүн, 8-августта, Ысык-Көл облусунун Ак-Суу районундагы «Ала-Тоо Резорт» тоо-лыжа кластеринин курулушуна капсула салуу аземине катышты.

Иш-чаранын алдында чакырылган конокторго видеоролик жана театралдаштырылган көрсөтүү тартууланды.

Өз сөзүндө Садыр Жапаров «Ала-Тоо Резорт» жөн гана туристтик комплекс эмес, улуттук экономиканы өнүктүрүүгө олуттуу салым кошо турган, аймактык өнүгүүгө жаңы дем берип, кыргыз жаратылышынын кооздугун даңазалап, өлкөнүн маданий мурасын эл аралык деңгээлде көтөрө турган масштабдуу долбоор экендигин баса белгиледи.

Кыргыз Республикасынын Министрлер Кабинетине караштуу Мамлекеттик мүлктү башкаруу боюнча мамлекеттик агенттиги Ысык-Көл облусунун Ак-Суу районундагы «Ала-Тоо Резорт» тоо-лыжа курортунда жайгашкан жер участокторунун соодасы аяктаганын билдирет. Электрондук соода 2025-жылдын 15-июлунан 2025-жылдын 18-июлуна чейин жүргүзүлгөндүгүн белгилей кетүү керек.

Аукционго жолдорду, ошондой эле асма жолду куруу иштери жүрүп жаткан даяр долбоору бар жер участоктору коюлган. Бул жерде 3-4-5 жылдыздуу мейманканалар, VIP-коттедждер, этно-таунхаустар, ресторандар, кафелер жана башка коммерциялык объектилер курула турганын эскертебиз.

Кыргыз Республикасынын Президенти Садыр Жапаров бүгүн, 14-июлда, Чолпон-Ата шаарында «Ала-Тоо Резорт» бардык мезгилдеги кластерин куруу боюнча даярдык иштеринин жүрүшү боюнча жумушчу кеңешме өткөрдү. Кеңешмеге тиешелүү министрликтердин жана ведомстволордун жетекчилери катышты.

Мамлекет башчысы жооптуу адамдардын долбоорлоо жана ишке ашыруунун алгачкы этаптарынын жүрүшү жөнүндөгү толук отчетторун укту. Атап айтканда, энергетика министри курорттун энергетикалык камсыздоо схемалары жөнүндө, ал эми Курулуш министри жана Транспорт министри аймактагы инженердик тармактарды жана автожол байланышын куруу пландары жөнүндө айтып беришти.

Ысык-Көл облусунун Ак-Суу районундагы Хан-Теңири айыл аймагында жайгашкан "Ала-Тоо Резорт" комплексинде, асма жолдун курулушу башталды, ал үчүн керектүү жабдуулар жана шаймандар жеткирилди. Бул этапта инженерлер асма жол курула турган аймактарда техникалык жолдорду төшөп жатышат. Тирөөчтөрдүн пайдубалын куюу иштери башталды. Калган жабдыктар адистештирилген заводдон этап-этабы менен жеткирилет.

Электрондук аукциондун катышуучусу болуу үчүн төмөнкүлөр зарыл...                                                        

Байланыш телефондору:
0558008070;
0554482676.

Электрондук аукциондун катышуучусу болуу үчүн төмөнкүлөр зарыл...                                                        

Байланыш телефондору:
0558008070;
0554482676.

«Ала-Тоо Резорт» мамлекеттик ишканасы потенциалдуу инвесторлорду Борбордук Азиядагы эң ири «Ала-Тоо Резорт» тоо-лыжа курортунда аукционго коюлган жер участокторуна келүүгө чакырат. Бул кластер өлкөнүн эң кооз жеринде, Ысык-Көл облусунун Ак-Суу районундагы Хан-Теңири айылына караштуу «Жыргалаң» бийиктигинде жайгашкан.

Жолугушуу 2025-жылдын 3-4-июлунда болорун белгилейбиз.

Байланыш телефондору:
0558008070;
0554482676.

Set to become the biggest year-round ski resort in Central Asia, this development is more than just a resort. It represents a new urban landscape, a new economic driver, and a whole new level of tourism for the country. In the future, the peaks of Jyrgalan, Ak-Bulak, and Boz-Uchuk will be linked by a cable car system.

The region’s pristine air and breathtaking natural scenery will be complemented by cutting-edge infrastructure. The project will feature ski trails, cable cars, ethnovillages, five-star hotels, cafés, and restaurants. The total road network will span 250 kilometers. The resort is expected to welcome up to 2 million tourists annually and will create approximately 4,600 jobs.

Бул Борбордук Азиядагы эң чоң бардык мезгилдеги тоо-лыжа курорту болот. Бул жөн гана курорт эмес - бул жаңы шаар чөйрөсү, жаңы экономика жана туризмдин таптакыр жаңы деңгээли. Келечекте Жыргалаң, Ак-Булак жана Боз-Үчук чокулары асма жол менен бириктирилет.

Бул жерлердин таза абасы жана укмуштуудай жаратылышы заманбап инфраструктура менен айкалыштырылат. Асма жолдордон тышкары, бул жерде лыжа трассалары, этно-шаарчалар, беш жылдыздуу мейманканалар, кафелер жана ресторандар курулат. Жолдордун жалпы узундугу 250 чакырымды түзөт. Курорт жылына 2 миллионго чейин туристти кабыл алат.

Кыргыз Республикасынын Министрлер Кабинетинин 2025-жылдын 16-июнундагы №486-р буйругун аткаруу максатында Кыргыз Республикасынын Министрлер Кабинетине караштуу Мамлекеттик мүлктү башкаруу боюнча мамлекеттик агенттиги Ысык-Көл облусунун Ак-Суу районундагы ири курорттук аймактын «Ала-Тоо Резорт» курулушунун баштапкы этабына бөлүнгөн жер участокторун сатуу боюнча аукцион жарыялайт.

Мамлекеттик маанидеги «Ала-Тоо Резорт» бардык мезгилдеги тоо кластери» долбоорунун баштапкы этабын ишке ашыруунун алкагында Жыргалаң тоо-лыжа курортунун төмөнкү бөлүгүндө жайгашкан жер участоктору аукционго коюлууда.
Жер участокторун сатып алуу үчүн ата мекендик жана чет өлкөлүк инвесторлорду ачык аукциондорго катышууга чакырабыз

Кыргыз Республикасынын Министрлер Кабинетинин №331 токтомунун негизинде, «Кыргыз Куршевель» мамлекеттик ишканасы расмий түрдө Кыргыз Республикасынын Президентинин Иш башкармалыгына караштуу «Ала - Тоо Резорт» мамлекеттик ишканасы болуп өзгөртүлдү.

Ошону менен бирге, долбоордун өзү да ребрендингге дуушар болду — “Үч Чоку” тоо-лыжа кластери мындан ары “Ала - Тоо Резорт” бирдиктүү бренди менен продвиждет (жарнамаланат).
Бул эмнени билдирет:
🔹Ишкананын уюштуруу-укуктук формасы өзгөрүүсүз калат.
🔹Бардык мүлктүк жана мүлктүк эмес укуктары жана милдеттенмелери толугу менен сакталат.
🔹«Ала - Тоо Резорт» ишканасы «Кыргыз Куршевель» ишканасынын түздөн-түз укук мураскери болуп саналат.

Кыргыз Республикасынын Министрлер Кабинетинин 2025-жылдын 9-июнундагы №326 токтомуна ылайык, улуттук инвестициялык долбоорлорду жана мамлекеттик маанидеги долбоорлорду ишке ашыруу максатында, мамлекеттик менчикте турган жер участокторун четке чыгаруу тартиби бекитилди.

Бул механизмдин алкагында «Ала-Тоо Резорт» бардык мезгилдеги тоо кластери» мамлекеттик долбоору юридикалык жана жеке жактарга, анын ичинде чет элдик инвесторлорго, мейманканаларды, ресторандарды жана туристтик инфраструктуранын коштоочу объектилерин куруу үчүн жер участокторун аукциондо сатып алууга мүмкүнчүлүк берет.

Жолду кеңейтүүгө байланыштуу электр чубалгыларынын түркүктөрүн жылдыруу так бир ай мурун башталган. Бүгүнкү күндө түркүктөр жолдун эки тарабы боюнча мурунку ордунан 3–4 метр алыска орнотулду. Натыйжада, саны миңден ашкан жана мурда күндүзгү убакта электр жарыгысыз калган Жыргалаңдын тургундары, эми үзгүлтүксүз электр энергиясы менен камсыз болушат. Бардык абоненттер электр эсептегичтерге туташтырылды.

Ошол эле учурда, «Ала-Тоо Резорт» курорту курула турган аймакта, кубаттуулугу 35/10 кВ болгон көмөк чордондун (подстанциянын) курулушу активдүү жүрүүдө. Энергетикалык объект үчүн аянтты тазалоо боюнча даярдык иштери он күн мурун башталган.

КР Президентинин Иш башкармалыгына караштуу «Ала-Тоо Резорт» мамлекеттик ишканасынын өкүлдөрү менен И. Раззаков атындагы Кыргыз техникалык университетинин жолугушуусу пландалган кызматташтыктын алкагында өттү. Иш-чарага Курулуш, Архитектура институттарынын, Жогорку логистика мектебинин, Энергетика институтунун, Жогорку экономика жана бизнес мектебинин, ошондой эле «Техникалык машиналар» кафедрасынын директорлору жана профессордук-окутуучулук курамы катышты.

Техникалык тармактар ​​үчүн адистерди даярдап жаткан жамаатка «Ала-Тоо Резорт» курортунун долбоору жана Борбордук Азияда биринчи жолу мындай масштабда курула баштаган ири рекреациялык объекти жөнүндө толук маалымат берилди.

«Ала-Тоо Резорт» мамлекеттик ишканасы асма жолдорду куруу жана долбоорлоодо дүйнөлүк лидер болгон австриялык “Doppelmayr Seilbahnen GmbH” компаниясынын инженерлери менен биргеликте тоо-лыжа курортунун аймагында асма жол куруу пландаштырылган жерди кыдырышты.

Адистер геодезиялык өлчөөлөрдү жүргүзүп, тирөөчтөр орнотула турган жерлерди карап чыгышты. Иш сапардын жыйынтыгында долбоорду ишке ашырууну улантуу чечими кабыл алынды. Ошол эле учурда, тирөөчтөрдү орнотуучу жайларга техникалык жетүүчү жолдорду төшөө иштери башталды. Кийинки этапта тирөөч конструкциялары үчүн пайдубалдар куюлат.

Ысык-Көл облусунун Ак-Суу районунда Жыргалаң айылынан «Ала-Тоо Резорт» тоо-лыжа курортуна чейинки альтернативдүү жолду долбоорлоо жана куруу иштери жандандырылды. Бүгүнкү күндө тоо-лыжа кластери Кыргыз Республикасынын Транспорт жана коммуникациялар министрлиги менен биргеликте узундугу 8 км болгон жаңы жолду төшөй баштады.

Бул Жыргалаң айылынан «Ала-Тоо Резорт» тоо-лыжа курортуна чейинки альтернативдүү жол болот. Учурда тоо боорундагы мурда колдонулган чыйырлар кеңейтилип, аларга шагыл-кум аралашмасы төшөлүүдө. Бүгүнкү күндө жолдун 1 км аймагына шагыл төшөө иштери аяктады. Жолду кеңейтүү менен бирге, жогорку чыңалуудагы электр чубалгыларын жылдыруу иштери жүрүп жатат. 10дон ашык техника жана адис бригадалары ишке тартылган.

Кыргыз Республикасынын Президентинин Иш башкармалыгына караштуу «Кыргыз Куршевель» мамлекеттик ишканасы менен Кыргыз-Түрк «Манас» университетинин ортосунда кызматташуу жөнүндө меморандумга кол коюлду. Келишим «Үч Чоку» тоо-лыжа кластери үчүн адистерди биргелешип даярдоого, алардын кесиптик билимин жогорулатууга жана жергиликтүү кадрларды туризм тармагына тартууга багытталган.

Бүгүн, 2025-жылдын 5-февралында, Кыргыз Республикасынын Президентинин Иш башкармалыгына караштуу «Кыргыз Куршевель» мамлекеттик ишканасы менен Кыргыз Республикасынын Билим берүү жана илим министрлигинин ортосунда кызматташуу жөнүндө меморандумга кол коюлду. Меморандумга ишкананын директору Жаркынбек Максутов жана Кыргыз Республикасынын Билим берүү жана илим министри Догдуркүл Кендирбаева кол коюшту.

          «Үч Чоку» тоо лыжа кластеринин курулушу боюнча ведомстволор аралык жумушчу топтун көчмө жыйыны болуп өттү.           «Үч Чоку» тоо лыжа кластери долбоорун ишке ашыруунун алкагында, «Кыргыз Куршевель» мамлекеттик           ишканасынын төрагалыгы астында тармактык мамлекеттик органдардын өкүлдөрү катышкан ведомстволор аралык           жумушчу топтун көчмө жыйыны өткөрүлдү.          

          «Үч Чоку» тоо лыжа кластерин ишке ашыруу маселелери боюнча Жыргаланда жергиликтүү калк менен жолугушуу болуп өттү.           Бүгүн, 2025-жылдын 31-январында Ысык-Көл облусунун Жыргалан айылында «Үч Чоку» тоо лыжа кластерин           ишке ашыруу маселелерине арналган жергиликтүү тургундар менен жолугушуу болуп өттү. Иш-чарага           «Кыргыз Куршевель» мамлекеттик ишканасынын, тиешелүү министрликтердин жана ведомстволордун өкүлдөрү,           ошондой эле аймактын жашоочулары катышты.          

          Бүгүн, 2025-жылдын 31-январында Каракол шаарында Кыргыз Республикасынын Президентинин Иш башкармалыгына караштуу «Кыргыз Куршевель» мамлекеттик ишканасы менен Касым Тыныстанов атындагы Ысык-Көл мамлекеттик университетинин ортосунда кызматташуу меморандумуна кол коюлду. Документ тараптардын тоо лыжа туризми үчүн кадрларды даярдоо, аларды окутуу, квалификациясын жогорулатуу, ошондой эле жергиликтүү адистерди «Үч Чоку» тоо лыжа кластерине тартуу жаатындагы макулдашууларын бекитет.          

          «Үч Чоку» долбоору болжол менен 2025-жылдын май айында башталат. Бул тууралуу «Кабар» агенттигине берген маегинде «Кыргыз Куршевель» мамлекеттик ишканасынын директору Жаркынбек Максутов билдирди. Анын айтымында, учурда инфраструктуралык объектилер үчүн долбоордук-сметалык документтер иштелип жатат. Биринчи этаптын курулушу 2026-жылдын декабрь айында аяктайт жана курорт биринчи туристтерди кабыл алууга даяр болот. Долбоор үч этаптан турат: Жыргалан, Бозучук, Ак-Булак.