РАСМИЙ ЖАРЫЯ
Ала-Тоо Резорт — Кыргызстандын мамлекеттик тоо-лыжа демилгесинин жаңы аталышы.

Кыргыз Республикасынын Министрлер Кабинетинин №331 токтомунун негизинде, «Кыргыз Куршевель» мамлекеттик ишканасы расмий түрдө Кыргыз Республикасынын Президентинин Иш башкармасына караштуу **«Ала-Тоо Резорт» мамлекеттик ишканасы** деп кайра аталды.

Ошону менен бирге, долбоордун өзү да ребрендингден өттү — «Үч Чоку» тоо-лыжа кластери мындан ары **«Ала-Тоо Резорт»** бирдиктүү брендинин алдында жылдырылат.

Бул эмнени билдирет:
🔹 Ишкананын уюштуруу-укуктук формасы өзгөрүүсүз калат.
🔹 Бардык мүлктүк жана мүлктүк эмес укуктары жана милдеттенмелери толугу менен сакталат.
🔹 «Ала-Тоо Резорт» ишканасы «Кыргыз Куршевельдин» **түздөн-түз укук мураскери** болуп саналат.

Кыргыз Республикасынын Президентинин Иш башкармасы белгиленген тартипте төмөнкүлөрдү ишке ашырат:
Юстиция министрлигинде юридикалык кайра каттоо, бардык документтерди (мөөрлөр, банктык реквизиттер, салыктык маалыматтар ж.б.) жаңыртуу.

Эмне үчүн «Ала-Тоо Резорт»?
Кайра атоонун себеби долбоордун стратегиялык максаттарын чагылдырат:
🔹эл аралык таанылышын күчөтүү,
🔹бирдиктүү туристтик бренд түзүү,
🔹Кыргызстанды бардык мезгилдер үчүн арналган багыт катары жылдыруу.

«Ала-Тоо Резорт» долбоору төмөнкүлөрдү камтыйт: инфраструктураны куруу (асма жолдор, мейманканалар, этно-шаарчалар, SPA-комплекстер), Ысык-Көл облусунун чыгыш бөлүгүндө туризмди өнүктүрүү, дүйнөлүк масштабдагы инвестициялык программаны ишке ашыруу.

Бардык өнөктөштөргө, контрагенттерге жана жарандарга ишеними үчүн ыраазычылык билдиребиз. Ала-Тоо Резорт — бул жөн гана жаңы аталыш эмес. Бул кыргыз туризминин жаңы жүзү. Келечекке кош келиңиздер.

артка